Papar

Los papar (del Latin papa, del irlandés antiguu que significa "padre" o "pope"; sing. popi) yera un grupu de misioneros cristianos irlandeses y escoceses que según les primeres sagues nórdiques y fontes históriques moraben en delles partes d'Islandia mientres el periodu de la llegada de colonos nórdicos.^[1] La so esistencia tien de ser inda confirmada por arqueólogos.

Los escandinavos empecipiaron los sos asentamientos n'Islandia nel sieglu IX (874 d. C.), pero la fonte más antigua que fai mención de la esistencia de los papar escribiose nel Íslendingabók (el llibru de los islandeses), ente'l 1122 y 1133. Estos personaxes  citaronse nel Landnámabók (el llibru islandés de los asentamientos) onde s'esplica que los nórdicos atoparon sacerdotes irlandeses n'Islandia cuando llegaron, según campanes y blagos que concuerda coles manifestaciones del historiador islandés Ari fróði:

Coles mesmes moraben nesta isla homes cristianos, a quien les xentes nórdiques daben el nome de "papen"; sicasí, más tarde coláronse porque nun queríen convivir con paganos. Dexaron llibros irlandeses, campanes y blagos, polo que pudo llegase a la conclusiónde que yeren irlandeses.^[2]

Otra fonte que posiblemente pudiera faer referencia a los papar foi'l trabayu de Dicuil, un monxu irlandés del sieglu IX (825 d. C.), quien faló del pelegrinar de los homes santos escontra les tierres del norte. Sicasí, nun se sabe si Dicuil falaba d'Islandia, yá que había precedentes d'ermitaños gaélicos n'otres islles del norte como les Órcades y Shetland.

Dellos topónimos islandeses venceyáronse a los papar, incluyida la isla de Papey, según les Vestmannaeyjar pero nun hai inda evidencies arqueolóxiques que lo atestigüen. Otra teoría basase en que dambes fontes basanse en Ari Thorgilsson, autor del Íslendingabók, quien basó la so hestoria nos escritos de Dicuil. Les fontes tradicionales afirmen que los papar abandonaron les zones o fueron asesinaos cuando llegaron los colonos nórdicos paganos, pero haise teorizado que la so influencia pudo ayudar a la espansión del Cristianismu na zona.

1. ↑ Byock, Jesse (2001), Viking Age Iceland.
2. ↑ Oxenstierna, Eric Graf (1959) Los Vikingos, Ed. W. Kohlhammer GmbH, Stuttgart, ISBN 8421742248 p. 245